အသွင်တူမှ အိမ်သူဖြစ်ရမှာလား
အိမ်သူဖြစ်ပြီးမှ အသွင်တူအောင်
စိတ်တူကိုယ်တူ
အေးအတူ ပူမမျှပဲ
သူ့ဘ၀နဲ့ ကိုယ့်ဘ၀
ပေါင်းစည်းပြုပြင်ပြီး
ထာဝရကြည်နူး ပျော်ရွှင်ဖွယ်
ဘ၀အိမ်လေးဆောက်မယ်ဆိုရင်ကော မဖြစ်ဘူးလား ။
အသွင်တူ အိမ်သူဖြစ်ပြီးမှ
ယောက်ျားကလဲ
အိမ်ဦးသခင် ငါအရှင်ပဲလို့
စိတ်မှာ အမှတ်မှား
ပျော်ရာမှာနေ ကြုံရာမှာစား
ဇနီးမယားအလှတရားကို
လမ်းဘေးက ပျော်တော်ဆက်မယ်လောက်
တန်းဖိုးမထား
ဖောက်ပြန်တာကို
ဂုဏ်တစ်ခုလို သဘောထားပြီး
ဇနီးမယားရဲ့ အတွင်းစိတ်ကို ၀င်မကြည့်ပဲ
သန်းခေါင်ယံ
အိမ်အရောက်မှာ
မျက်ရည်စိုးစိုး
မောလို့အိပ်ပျော်နေတဲ့
မိန်းမဘေးမှာ ငွေအပုံပေးယုံနဲ့
ပြီးပြည့်စုံနဲ့
အိမ်ထောင်လင်ယောက်ျားဘ၀လား ။
အသွင်ကတူတူ ဒီလင်ယူပြီး
ဇနီးမယား သက်ထားသခင်
ဒီနာမည်နှင့်
ချက်ပြုတ် လျှော်ဖွတ်
ဒီအလုပ်တွေ ဘေးချထားပြီ
အိမ်အပြင်မှာ လူတကားနဲ့
အိမ်ဦးနတ်လင်
အ တင်းမှစလို့
အိုဘားမား အသားမဲတာအဆုံး
အတင်းစုံ သတင်းစုံနဲ့
ဒိုဘီမှာတော့ အ၀တ်တွေ
မွဲခြောက်ခြောက်နဲ့ပေါ့
ရှောပင်ဆိုတာ
လင်တော်မောင် ငွေထုတ်စက်ရှိသလား
အတွေးမှာထားပြီး
ဒစ်စကောင့်လေးချလို့ ၀ယ်လိုက်တာလို့
ဆင်ခြေ ဆင်လက် ဆင်တစ်ကောင်လုံးနဲ့
ဝယ်တဲ့ ပစ္စည်းတွေကတော့
လင်တော်မောင်ရဲ့ ပါးလှပ်လှပ် အိပ်ကပ်လေးကို
လောင်ပြုံးလေးပြုံးလို့ပေါ့ ။
လင်းနဲ့မယား
လျှာနဲ့သွား
ဒီစကားတွေ ဘေးထားလိုက်ပါ
သွားကလဲ ၀ါးဖို့ထားပြီး
လျှာကလဲ အရသာခံ
မတော်လို့ ကိုက်မိရင်တောင်
သွားကလဲ လျှာလေးနားသွားလို့ရယ်
လျှာကလဲ ငါ့နေရာငါမနေ
အပြင်ထွက်လို့ ကိုက်မိပါလားလို့
နားလည်မှု့ နှလုံးသားကိုခြံလေးခတ်ပြီး
အပြစ်မမြင် အချစ်သစ်ပင်လေးတွေ အရိပ်ရအောင်စိုက်လို့ရယ်
ဘ၀အိမ်လေးမှာ အတူတကွ ထာဝရနဲ့
လက်တွဲသွားတာ
အိမ်ထောင်သည်များရဲ့
နှိုင်းယှဉ်လို့မရတဲ့
ဘ၀အလှတရားပါ ။
Posted by လွင်ပြင်လှိုင်းငယ်
Post a Comment