အိမ်ထောင်ရေးသုခ

ခင်ပွန်းသည်ဖြစ်သူက အောင်မြင်တဲ့ စီးပွားရေးလုပ်ငန်းရှင်၊ အားကစားလိုက်စားပြီး ဂေါက်သီးရိုက်ကာ အပေါင်းအသင်း ဝင်ဆံ့သူ၊ ဧည့်ခံပွဲများ၊ ညစာစားပွဲများမှာ တက်ကြွပျော်ရွှင်နေတတ်သူ။ ဇနီးသည်ကတော့ အေးဆေး စကားနည်းပြီး ပွဲလမ်းသဘင်နဲ့ လူတွေနဲ့ တွေ့ဆုံ စကားပြောရမှာကို ရှောင်ရှားသူ။ အဲဒီလိုဖြစ်နေတဲ့ စုံတွဲကို သူတို့ နှစ်ယောက် ဘယ်လိုမှလည်း မလိုက်ဖက်ဘဲနဲ့ ဘယ်လိုများ လက်ထပ်ပြီး အိမ်ထောင်သာယာနေပါသလဲလို့ ထင်မြင်တတ်ကြပါတယ်။ တစ်ခါတစ်ရံ ကျွန်မတို့ ပတ်ဝန်းကျင်မှာ အဲဒီလိုမျိုး ဘယ်လိုမှ လိုက်ဖက်မှုမရှိဘူးလို့ မြင်ရတဲ့ စုံတွဲများကို တွေ့ရတတ်ပါတယ်။ ဘယ်လို မြှားနတ်မောင်မျိုးကများ သူတို့နှစ်ယောက်ကို ဖူးစာဆုံပေးလိုက်ပါလိမ့်လို့လည်း တွေးကောင်း တွေးမိတတ်ကြပြန်ပါတယ်။ ဒီလိုမျိုး ဆန့်ကျင်ဘက်လို့ ယူဆရတဲ့လူနှစ်ယောက်ဟာ အိမ်ထောင်သာယာနေတာဟာ အချစ်မြေပုံကြောင့်ပါလို့ Johns Hopkins University မှ ပါမောက္ခ John Money ကရှင်းလင်းပြောကြားခဲ့ပါတယ်။ လူသားတွေရဲ့ ဦးနှောက်ထဲမှာ ရှိတဲ့ ကြိုက်နှစ်သက်ခြင်း၊ မနှစ်သက်ခြင်းတို့ဟာ ငယ်စဉ်ကလေးဘဝကတည်းက ရှိလာပြီးသားဖြစ်ပါတယ်။ ဆံပင်အရောင်၊ မျက်လုံးအရောင်၊ အသံ၊ ကိုယ်သင်းရနံ့၊ ကိုယ်ခန္ဓာဖွဲ့စည်းပုံ၊ ကိုယ်နေဟန်ထား စတာတွေအပြင် သနားကြင်နာတတ်ခြင်း၊ ဖော်ရွေခင်မင်တတ်ခြင်း၊ စကားများများပြောတတ်ခြင်း၊ တိတ်ဆိတ်အေးဆေးခြင်း စတဲ့ အမူအကျင့်စတာတွေကိုပါ ကြိုက်နှစ်သက်ခြင်း ၊ မနှစ်သက်ခြင်းဆိုတာ လူတစ်ဦးတစ်ယောက်နဲ့ ဖူးစာမဆုံမိခင်ကတည်းက ဦးနှောက်ထဲမှာ ရှိနေနှင့်ပြီးသားပါ။ မိမိစိတ်မှာ ဒီလူကို ချစ်တယ်ဆိုတာက ဦးနှောက်ထဲမှာ ရှိနေနှင့်ပြီးသား အချစ်မြေပုံနဲ့ ဒီလူနဲ့က တိုက်ဆိုင်တူညီနေလို့ပါပဲ။ ငယ်စဉ်ကလေးဘဝကတည်းက ဦးနှောက်ထဲမှာ အချစ်မြေပုံ ပုံဖော်ရေးဆွဲထားပြီးသား ဖြစ်ပြီး အသက် ၈ နှစ်အရွယ်မှာတော့ မိမိဘဝအတွက် အသင်တေ့ာ်ဆုံး ဖူးစာဖက်ကို အလိုလို ပုံပေါ် သတ်မှတ်ပြီးဖြစ်နေပါပြီ။ မိမိရဲ့ချစ်သူ၊ မိမိရဲ့ အိမ်ထောင်ဖက်ကို ဘာကြောင့်ချစ်တာလဲလို့ မေးခွန်းမေးလိုက်မယ်ဆိုရင် သူ့ အသံကို ကြိုက်တာ၊ သူ့ရဲ့ ကြင်နာသနားတတ်တဲ့ စိတ်ကိုချစ်တာ၊ သူ ဟာသပြောတတ်တာလေးတွေကို ချစ်တာ စသည်ဖြင့် အမျိုးမျိုးဖြေကြပါလိမ့်မယ်။ ဒါ တကယ် ဟုတ်ပါတယ်။ တကယ်လို့များ အဲဒီ လူတွေကို သူတို့ရဲ့ မိခင်တွေအကြောင်း ပုံဖော်ခိုင်းကြည့်မယ်ဆိုရင် မိခင်နဲ့ ချစ်သူဟာ ရုပ်ဆင်းအသွင်အပြင်၊ အမူအကျင့် ၊ စိတ်နေသဘောထား၊ လုပ်ငန်းသဘာဝမှာ တစ်ခုခုမှာတော့ အတော်များများတူနေတတ်တာကို တွေ့ရပါလိမ့်မယ်။ ကျွန်မတို့ရဲ့ဘဝမှာ ပထမဦးဆုံး အချစ်စစ်ဖြစ်တဲ့ မိခင်ကို ချစ်တဲ့အချစ်ဟာ ငယ်စဉ်ကလေးဘဝမှာကတည်းက ဦးနှောက်မှာ အလိုလို အချစ်မြေပုံရေးဆွဲပုံဖော်ပြီး ဖြစ်လို့ပါပဲ။ ကလေးဘဝမှာ မိခင်သာ ပဓာန၊ မိခင်သည်သာ မိမိရဲ့ လုံခြုံနွေးထွေးရာဖြစ်တဲ့ စိတ်ခံစားမှုကြောင့် မိခင်ကို မိမိရဲ့ မသိစိတ်ကနေ အထင်ကြီး ခင်တွယ် ချစ်ခင်နေပြီး အရွယ်ရောက်လာတဲ့ခါမှာာ မိခင်နဲ့ ရုပ်ဆင်းသွင်ပြင်သော်လည်းကောင်း၊ အမူအကျင့်သော်လည်းကောင်း၊ လုပ်ငန်းသော်လည်းကောင်း အတော်လေးကို ဆင်တူတဲ့ မိန်းကလေးမျိုးကို ချစ်နှစ်သက်တတ်ကြပါတယ်။ မိခင်ဖြစ်သူက ဟာသဉာဏ်ရှိသူ၊ ရယ်မောပျော်ရွှင်တတ်သူဆိုရင် သားဖြစ်သူကိုလည်း ဟာသဉာဏ်ရှိတဲ့မိန်းကလေးကသာ ဆွဲဆောင်နိုင်ပါတယ်။ မိခင်ဖြစ်သူက သနားကြင်နာတတ်တယ်ဆိုရင် သနားကြင်နာတတ်တဲ့ မိန်းကလေးမျိုးကသာ ချစ်စရာကောင်းတယ်လို့ သားဖြစ်သူက ထင်တတ်ပါတယ်။ မိခင်ဖြစ်သူက နွေးထွေးဖော်ရွေပြီး တာဝန်ယူတတ်တဲ့မိခင်မျိုးဆိုရင် သားဖြစ်သူကလည်း အဲဒီလို မိန်းမမျိုးကသာ မိန်းမ ဖြစ်တယ်လို့ သူ့စိတ်ထဲမှာ စွဲထင်ပြီး ထိုသို့သောမိန်းကလေးမျိုးကိုသာ နှစ်သက်တတ်ပါတယ်။ မိခင်ဖြစ်သူက စိတ်တိုတတ်ပြီး အေးစက်စွာပြုမူဆက်ဆံတတ်တယ်ဆို ရင် သားဖြစ်သူကလည်း မိခင်ဖြစ်သူရဲ့ တစ်ခါနဲ့ တစ်ခါ မတူညီတဲ့ ပြုမူဆက်ဆံပုံတွေကို ကလေးဘဝကတည်းက မသိစိတ်မှာ ကြောက်ရွံ့နေတတ်ခဲ့ပြီးနောက် ချစ်သူမိန်းကလေးအပေါ်မှာလည်း ထို့အတူ အေးစက်ပြီး လက်ထပ်ဖို့အတွက် ကြောက်ရွံ့ နှောင့်နှေးနေတတ်ပါတယ်။ မိခင်ကို ချစ်တဲ့သားတွေရဲ့ ချစ်သူမိန်းကလေးကလည်း မိခင်နဲ့ အတော်လေးကို တူညီတတ်တာကိုတွေ့ရပါတယ်။ မိခင်ဟာ မိမိဘဝမှာ ပထမဦးဆုံးချစ်မိတဲ့ အမျိုးသမီးဖြစ်သလို ဖခင်ဖြစ်သူကလည်း ဘဝမှာ ပထမဦးဆုံးချစ်မိ ၊ အထင်ကြီးမိတဲ့ ယောက်ျားဖြစ်ပါတယ်။ သားဖြစ်သူရဲ့ အချစ်မြေပုံမှာ မိခင်ဖြစ်သူက လွှမ်းမိုးပုံဖော်သလို မိန်းကလေးများအတွက်လည်း ဖခင်ဖြစ်သူရဲ့ ပုံရိပ်က အချစ်မြေပုံမှာ လွှမ်းမိုးပါတယ်။ ဖခင်ဖြစ်သူက သား ၊ သမီးများအပေါ်မှာ ချစ်ကြင်နာတယ်ဆိုရင် သမီးဖြစ်သူဟာ အမျိုးသားများနဲ့ ပတ်သက်ရာမှာလည်း သူ့ကိုယ်သူ ယုံကြည်တတ်ပြီး ဖခင်ဖြစ်သူက အေးစက်ကာ သားသမီးအများအပေါ် ဖခင်ဝတ္တရားမကျေသူ၊ မေတ္တာမပြတတ်သူ၊ ဖခင်ကောင်းမပီသသူဆိုရင် သမီးဖြစ်သူကလည်း ဆန့်ကျင်ဘက် ယောက်ျားများရဲ့ မေတ္တာကို ယုံကြည်မှု နည်းပါးတတ်ပါတယ်။ ကျွန်မတို့ရဲ့ နေ့စဉ်ပတ်ဝန်းကျင်မှာ ပညာအရည်အချင်းတန်းတူဖြစ်သူ၊ အတွေးအခေါ်တူညီသူ၊၊ အလုပ်အကိုင် လုပ်ငန်းသဘာဝတူညီသူများနဲ့ ပြောဆိုဆက်ဆံရတာ ပိုမိုအဆင်ပြေပါတယ်။ အဲဒီအခြေအနေမျိုးအတိုင်းပါပဲ။ ကျွန်မတို့ရဲ့ မသိစိတ်မှာက ကိုယ့်မိသားစုနဲ့ တူညီတတ်သူကို နှစ်သက်တတ်တဲ့ စိတ်ပိုင်းဆိုင်ရာ ကွင်းဆက်မှာရှိနေခြင်းကြောင့် မိမိနှစ်သက်တဲ့ မိသားစုဝင်တစ်ဦးဦးနဲ့ ရုပ်ဆင်းသွင်ပြင်သော်လည်းကောင်း၊ စိတ်နေသဘောထားသော်လည်းကောင်း တူညီတဲ့ လူတစ်ဦးတစ်ယောက်ကို ချစ်တယ်ဆိုတာမျိုး ဖြစ်လာတာပါ။ ဖူးစာဖက်ဖြစ်လာမယ့် လူ၂ယောက် ပထမဦးဆုံး ဆုံမိတဲ့အခိုက်၊ ပထမဦးဆုံး တစ်ယောက်နဲ့တစ်ယောက်တွေ့တဲ့ခိုက်မှာပဲ ဒီလူဟာ မိမိရဲ့ ဖူးစာဖက်၊ မိမိရဲ့ အိမ်ထောင်ဖက်ဖြစ်မယ့်လူလို့ အလိုလိုသိနေတတ်တာတွေကလည်း မိမိစိတ်ထဲမှာ ရှိနှင့်နေပြီးသားအချစ်လမ်းညွှန်မြေပုံကြောင့်ပါပဲ။ ကိုးကား။ ။ Dr. Joyce Brothers ၏ Why We Love Who We Love

ဗယ်လင်တိုင်းဒေးဆိုတဲ့ ချစ်သူများနေ့နီးလာပြီဆိုတော့ အချစ်အကြောင်းတွေ ပြောနေကြပါတယ်။အချစ်ဆိုတာ ဘာလဲလို့ မေးတဲ့မေးခွန်းကို အချစ်ဆိုတာ ဘာပါလို့ အတိအကျ ဖြေဖို့ ခက်သလို ခုချိန်ထိလည်း ဘယ်သူကမှ တိတိကျကျ အဓိပ္ပါယ်ဖွင့်ဆိုမပြောထားကြပါဘူး။ မောင်နှမချစ်၊ သားအမိချစ်၊ သူငယ်ချင်း ၊ ချစ်သူရည်းစားအချစ် စတဲ့ အချစ်အမျိုးအစား အမျိုးမျိုးအနက်မှ မိန်းကလေးတစ်ဦးနဲ့ ယောက်ျားလေးတစ်ဦး ချစ်ကျွမ်းဝင်တဲ့ ချစ်သူအချစ်ဆိုတာကို ကိုယ့် ခံစားချက်နဲ့ကိုယ်၊ ကိုယ့်ယူဆချက်နဲ့ကိုယ် အချစ်ဆိုတာ ဘယ်လိုဆိုတာကို တစ်ယောက်တစ်မျိုး ပြောနေကြတာပါပဲ။ အချစ်ဆိုတာ တကယ်မရှိဘူးလို့ပြောကြသလို အချစ်ဆိုတာ အစစ်အမှန်တကယ်တည်ရှိတယ်လို့လည်း ပြောကြပါတယ်။ အချစ်ဆိုတာ ရယူပိုင်ဆိုင်ခြင်း၊ ပေးဆပ်ခြင်း စသည်ဖြင့်လည်း ကြားဖူးသလို အချစ်ဆိုတာ ရင်ခုန်လှိုက်မောခြင်းလို့လည်း ပြောနေကြပါတယ်။ အချစ်ဆိုတာ စွန့်လွှတ်အနစ်နာခံခြင်းလို့လည်း ပြောကြပြန်ပါတယ်။ အချစ်ဆိုတဲ့ ခံစားချက်ဟာ တစ်သက်မှာ တစ်ခါသာ ဖြစ်ပေါ်တယ်လို့ ပြောတဲ့သူများ ရှိသလို အချစ်ဆိုတာ အဖန်တလဲလဲ အသစ်မွေးဖွားဖြစ်တည်နိုင်တယ်လို့ ပြောတဲ့သူများလည်း ရှိပါတယ်။ အချစ်ဆိုတာ အမြဲတည်မြဲနေပြီး အရာရာကို အချစ်ကြောင့် အောင်နိုင်တယ်လို့လည်း ပြောကြပြန်ပါတယ်။ အချစ်ဆိုတာ မတည်မြဲဘူးလို့လည်း ပြောကြတာတွေလည်း ရှိပါတယ်။ အချစ်က အရာရာကို ကောင်းအောင် ပြုပြင်နိုင်တယ်လို့ ပြောနေကြသလို အချစ်ကြောင့် ဘဝပျက်တတ်တယ်လို့လည်း ပြောကြပြန်ပါတယ်။ အချစ်ဆိုတာ တစ်ကိုယ်ကောင်းမဆန်ဘူးလို့ ပြောကြပါတယ်။ အချစ်နဲ့ စစ်မှာ မတရားဘူး ဆိုတာ မရှိဘူးလို့လည်း ပြောကြပြန်ပါတယ်။ အချစ်ဆိုတာ ဗျုဟာတစ်ခုလိုပဲလို့ ပြောကြသလို အချစ်ဆိုတာ ရိုးစင်းအပြစ်ကင်းတယ် လို့လည်း ပြောကြပြန်ပါတယ်။ အချစ်ဆိုတာ ခံစားရုံသက်သက်မဟုတ်ဘဲ လက်တွေ့ တွေ့ကြုံ ချစ်ကျွမ်းဝင်ရာလို့လည်း ပြောကြပါတယ်။ အချစ်အကြောင်းကို သီချင်း၊ ကဗျာ၊ လင်္ကာများနဲ့ ဝထ္ထုတွေထဲမှာ ခမ်းခမ်းနားနား ဖွဲ့ဆိုထားကြပါတယ်။ ရုပ်ရှင်၊ ပြဇာတ်များမှာလည်း အချစ်အကြောင်း ဆွတ်ပျံ့ကြည်နူးဖွယ်၊ လွမ်းဆွေးဖွယ် သရုပ်ဆောင်ပြကြပါတယ်။ မိန်းကလေးနဲ့ ယောက်ျားလေး တစ်ဦးနဲ့တစ်ဦးကြား ချစ်ခြင်းမေတ္တာမှာ အနိုင်၊ အရှုံးတွေ ပြောတတ်ကြတာလည်း ကြားဖူးပါတယ်။ အချစ်ဆိုတာ မာယာများနဲ့ ကစားပွဲတစ်ခုလိုလည်း ပြောကြပါတယ်။ အရာဝထ္ထုအဖြစ် တည်ရှိခြင်း မဟုတ်တဲ့ စိတ္တဇနာမ်ဖြစ်တဲ့ စိတ်ခံစားမှု အချစ်ဆိုတာဟာ နားလည်လက်ခံသူအပေါ်မှာ မူတည်ပြီး အဓိပ္ပါယ်ဖွင့်ဆိုမှုတွေ ကွဲပြားသွားကြပါတယ်။ ကျွန်မ သိတဲ့အချစ်ဆိုတာကတော့ ချစ်နေတာပါပဲ။ အချစ်ဆိုတာ ရယူခြင်း၊ ပေးဆပ်ခြင်းဆိုတာ တွေထက် အချစ်ဆိုတာ ချစ်နေခြင်းပါပဲ။ ချစ်မနေဘဲနဲ့ အချစ်ဆိုတာ ရှိမှာ မဟုတ်ပါဘူး။ စာသင်ကျောင်းမှာ သမိုင်း၊ ပထဝီ၊ သင်္ချာစသည့် ဘာသာရပ်များကို သင်ယူရသော်လည်း အချစ်ဆိုတဲ့အကြောင်းကိုတော့ သင်ရိုးညွှန်းပြဌာန်းစာအုပ်များမှာ မတွေ့ရှိရပါဘူး။ အချစ်ဆိုတာ သင်ယူရခြင်းမဟုတ်ဘဲ တွေ့ကြုံခံစားရခြင်းဆိုတာပဲ ဖြစ်မယ်ထင်ပါတယ်။ အချစ်ဟာ ကစားပွဲတစ်ခုမဟုတ်တဲ့အတွက် အရှုံး၊ အနိုင်ဆိုတာ မရှိပါဘူး။ အရှုံး၊ အနိုင်ကိုတွက်ချင်တယ် သိလိုတယ်ဆိုရင် လောင်းကစားပွဲတစ်ခုမှာ သွားကစားတာက အသင့်တော်ဆုံးပဲ မဟုတ်လား။ အချစ်ဆိုတာ လောင်းကစားပွဲက အဖြေလို အရှုံး၊ အနိုင်ဆိုတာမျိုး မရှိပါဘူး။ စီးပွားရေးလုပ်ငန်းတစ်ခု မဟုတ်တဲ့အတွက် အမြတ်၊ အရှုံးဆိုတာလည်း မရှိပါဘူး။ ဒါပေမဲ့ အချစ်ကြောင့် လူမှုရေးမှာတော့ အမြတ်၊ အရှုံး ရှိလာနိုင်ပါတယ်။ ချစ်ခင်နှစ်သက်ခြင်းဆိုတာက ကောင်းမွန်ပါတယ်။ မိမိချစ်မြတ်နိုးသူကို ရယူပိုင်ဆိုင်လိုတာ လူ့သဘာဝပဲဖြစ်ပါတယ်။ ဒါပေမဲ့ အပြန်အလှန်ချစ်ခြင်းမေတ္တာဆိုတာ တစ်ဘက်တည်းကပဲ ချစ်နေလို့ မရတာပါ။ အခြားတစ်ဘက်ကို မိမိကို မိမိက သူ့ကို ချစ်သလို မချစ်ဘူးဆိုရင် ၊ ဒါမှမဟုတ် မိမိ ချစ်မြတ်နိုးသူရဲ့ အချစ်ကို မရဘူးဆိုရင် စိတ်မှာ ဒေါသဖြစ်လာတတ်ပါတယ်။ မိမိချစ်မိသူက မိမိကို ပြန်မချစ်လို့ သင့်တဲ့ဒေါသမှသည် မိမိချစ်သူဟာ မုန်းသူအဖြစ် မိမိရဲ့ စိတ်မှာ အသွင်ပြောင်းသွားတတ်တာဟာ အချစ်မဟုတ်ပါဘူး။ မိမိကို မချစ်လို့ ရန်သူသဖွယ်ကိုယ်က ဆက်ဆံပြောဆိုတာဟာ မိမိရဲ့ သူ့အပေါ်ချစ်တယ်ဆိုတဲ့ မူလစိတ်ဟာ မေတ္တာမဟုတ်ပါဘူး။ ပစ္စည်းတစ်ခုကို ရယူပိုင်ဆိုင်လိုသလိုမျိုး လူတစ်ယောက်ကိုလည်း အရာဝထ္ထုပစ္စည်းတစ်ခုလို မိမိက သဘောထားမိတာပါ။ ချစ်မိသူအပေါ် မေတ္တာသက်ဝင်တယ် လို့ မိမိစိတ်ကို မိမိ ထင်ယောင်မှားတာပါ။ တကယ် မေတ္တာမှန်ရင် ဒေါသသင့်မှာ မဟုတ်ပါဘူး။ မေတ္တာမှန်တယ်ဆိုရင် ကိုယ်နဲ့ မသက်ဆိုင်ရင်တောင်မှ သူ့အကျိုးမဲ့ရာ မဲ့ကြောင်းကို မလုပ်ပါဘူး။ အချစ်ကိုရရှိဖို့အတွက်တော့ ဘယ်သူမဆို ကြိုးစားကြပါတယ်။ ရယူဖို့ မာယာပရိယာယ်တွေနဲ့ အချစ်နဲ့စစ်မှာ မတရားတာ မရှိဘူးရယ်လို့ အကြောင်းပြချက်နဲ့ အချစ်တစ်ခုကိုရဖို့အတွက် ကိုယ့်လိပ်ပြာကို ကိုယ်ညာတာက အချစ်မဟုတ်ပါဘူး။ အချစ်ဆိုတာ ရိုးရိုးစင်းစင်း ချစ်မြတ်နိုးခြင်းပါပဲ။ နှစ်ဦးနှစ်ဘက်လုံးက ရိုးသားစွာချစ်မြတ်နိုးခြင်း( honesty and sincerity) ဖြစ်မယ်ဆိုရင် ဆိုးကျိုးတွေလည်း ရှိမလာနိုင်ပါဘူး။ ရူပေဗဒ သင်ခန်းစာဖြစ်တဲ့ Coulomb's Law လိုပါပဲ။ နှစ်ဘက် အပြန်အလှန်ဆွဲငင်အားကြောင့် နှစ်ဦးပေါင်းဘဝအတွက် ကောင်းကျိုးဖြစ်တာပါ။ ဒီကမ္ဘာမှာ အချစ်နဲ့ မထိုက်တန်သူရယ်လို့ မရှိပါဘူး။ အချစ်ဆိုတာကို အားလုံးခံစားနိုင်ပါတယ်။ စစ်မှန်တဲ့အချစ်ဆိုတာကို တွေ့ရှိဖို့က ခက်ခဲလွန်းပါတယ်ဆိုတဲ့ အကြောင်းတစ်ခုကြောင့် အချစ်ဆိုတာနဲ့ဝေးကွာနေတဲ့သူတွေ အများအပြားပါ။ တစ်စုံတစ်ဦးကို ချစ်လိုက်ဖို့ကို ကြောက်လန့်နေတဲ့သူတွေ အများအပြားပါ။ ဟုတ်ပါတယ်...ကိုယ့်အတွက် စစ်မှန်တဲ့အချစ်၊ ကိုယ့်အတွက် ဖူးစာဖက်ဆိုတဲ့ အသင့်တော် အမှန်ကန်ဆုံးလူကို တွေ့ဖို့ ဆုံဖို့ဆိုတာက ခက်ခဲပါတယ်။ အခြားတစ်ဘက်ကို အပြစ်မတင်ဘဲနဲ့ မိမိကိုယ်တိုင်ကို ပြန်ကြည့်လိုက်မယ်ဆိုရင် မိမိကိုယ်တိုင်ရဲ့အတွေးတွေ ၊ အပြုအမူတွေကသာ မိမိကိုယ်တိုင်ကို စီရင်နေတာဖြစ်ပါတယ်။ (ကံ ၊ ကံ၏ အကျိုးဆိုတာပေါ့။ မိမိပြုမူလုပ်ဆောင်ချက် တွေကြောင့်ဖြစ်လာတဲ့ အကျိုးဆက်ပါ။) လူတစ်ဦးချင်းစီတိုင်းဟာ ချစ်ခြင်းမေတ္တာမှာ မိမိကိုယ်တိုင်ကိုနဲ့ ချစ်သူအပေါ်ကို ရိုးသားတာကနေ အချစ်ဘဝတစ်ခုတည်းမှာတင် ပျော်ရွှင်ရတာမဟုတ်ပါဘူး။ မိမိရဲ့အတွေးတွေ၊ အပြုအမူတွေရိုးသားခြင်းတွေဟာ အကျိုးဆက်အဖြစ် ဘဝရဲ့အခြားနယ်ပယ်များမှာပါ အောင်မြင်မှု ရရှိပြီး မိမိကိုယ်တိုင်ပျော်ရွှင်ခြင်းဟာ မိမိကိုယ်တိုင်ကြောင့်မှသာ ရရှိနိုင်မှာ ဖြစ်ပါတယ်။