တစ်ခါတလေ အချစ်ကလည်း လူကို ထိခိုက်နာကျင်စေတယ်။ ရက်စက်တဲ့သူက သူတစ်ပါးထိခိုက်နာကျင်ဖို့ ရွေးတယ်။ စိတ်သဘောကောင်းသူက ကိုယ့်ကိုကိုယ် ထိခိုက်နာကျင်ဖို့ ရွေးတယ်။ တစ်ခါတလေ အချစ်ကို လူတွေက ရှောင်ပုန်းကြတယ်။ အချစ်ကို ရှောင်ပုန်းလို့ရကြပေမယ့် အချစ်ကြောင့်ဖြစ်လာတဲ့ အလွမ်းကိုတော့ ဘယ်သူမှ မရှောင်ပုန်းနိုင်ခဲ့ကြဘူး။ ငါ့ရင်ခွင်ထဲ နင်ဝင်လာတဲ့တစ်နေ့ နင်ငိုမိလိမ့်မယ်။ ငါ့ရင်ခွင်တစ်ခုလုံးမှာ နင်ပဲ အပြည့်ရှိနေခဲ့လို့။ နင့်ရင်ခွင်ထဲ ငါဝင်ရတဲ့တစ်နေ့ ငါလည်းငိုမိလိမ့်မယ်။ နင့်ရင်ခွင်ထဲမှာ ငါရှိမနေခဲ့လို့။ ဆူညံတဲ့လမ်းမကြီးထက် ငါတို့ပုခုံးချင်း မတော်တဆတိုက်ပြီး ဆုံမိကြတဲ့တစ်နေ့မှာ လှမ်းနေတဲ့ခြေလှမ်းကိုရပ်ပြီး ထွက်ခွာသွားတဲ့ နင့်နောက်ကျောကို ငါငေးကြည့်မိမယ်။ ပြီးတော့ နင်ဟာ အရင်က ငါချစ်ခဲ့ဖူးသူတစ်ယောက်လို့ ငါ့ကိုယ်ငါ ပြောပြမယ်။ ငါ့ကိုနင်ခွဲသွားမယ်လို့ ပြောတဲ့တစ်နေ့ ငါ နင့်ကိုမတားဘူး။ နင့်မှာ နင့်အကြောင်းပြချက်ရှိတယ်။ တကယ်လို့ တစ်နေ့နေ့မှာ ငါ့ကိုချစ်နေသေးတယ်လို့ နင်ဆိုလာခဲ့ရင် အခုချိန်ထိ နင့်ကို ငါစောင့်နေတယ်ဆိုတဲ့အကြောင်း ငါပြောပြချင်တယ်။ ငါ့အချစ်တွေ အကုန်လုံးယူပြီး နင်ထွက်သွားခဲ့တယ်။ "ဆောရီးနော်"ဆိုတဲ့ စကားတစ်ခွန်းပဲ နင်ချန်ခဲ့တယ်။ ထွက်သွားတဲ့ နင့်နောက်ကျောကိုကြည့်ပြီး ငါငိုမိတယ်။ နင့်ကိုပွေ့ဖက်ပြီး "နင့်ကိုငါ အရမ်းချစ်တယ်"လို့ နောက်ဆုံးတစ်ကြိမ် ပြောပြချင်တယ်။ ငါဟာ နင့်ရဲ့လေတံခွန်လေးပါ။ ငါ့ကို နင်လွှတ်ရင်လွှတ် မလွှတ်ရင် သေချာသိမ်းထားပါ။ မမြင်ရတဲ့ သံယောဇဉ်ကြိုးတစ်ချောင်းနဲ့ ငါ့ကို လွှတ်လိုက် ရုတ်လိုက် ဆော့မကစားပါနဲ့။ ငါ... ဝမ်းနည်းတတ်တယ်။ တစ်ယောက်ကိုတစ်ယောက် ချစ်ဖို့ ခံစားချက်လိုတယ်။ ဒီခံစားချက်မရှိဘဲ တစ်ဘက်သားကိုချစ်ဖို့ ကိုယ့်ကိုကိုယ် အတင်းအကျပ်ခိုင်းတာကို တာဝန်လို့ခေါ်တယ်။ လမ်းခွဲဖို့ သတ္တိလိုတယ်။ ဒီလိုသတ္တိမရှိဘဲ တစ်ဘက်သားနဲ့လမ်းခွဲဖို့ ကိုယ့်ကိုကိုယ် တွန်းအားပေးတာကို ရင်ကွဲနာလို့ခေါ်တယ်။ ************ ************* ဘဝမှာ ငိုစရာအကြောင်းပြချက် (၁ဝဝဝ)ရှိရင် ရယ်စရာအကြောင်းပြချက် (၁ဝဝ၁)ခုရှိသတဲ့။ စိတ်ထိခိုက် ဝမ်းနည်းစရာနဲ့ ကြုံတဲ့အခါ ထိုင်ချပြီး ကိုယ့်ကိုကိုယ် ပွေ့ဖက်လိုက်ပါ။ ဝမ်းနည်းကြေကွဲတဲ့အခါ မှန်ကိုကြည့်ပြီး ရယ်ပါ။ အားရပါးရရယ်ပါ။ မှန်ထဲက ပုံရိပ်ကနေ ကြံ့ခိုင်တဲ့ခွန်အားတွေကို သင်ရရှိပါလိမ့်မယ်။
Tuesday, February 14, 2012
Post a Comment