အိမ်ထောင်ရေးသုခ

သင့်ချစ်သူက ပြောင်းလဲနေပြီလား

လူနှစ်ဦးနှစ်ယောက်ကြားက ဆက်ဆံရေးတွေဟာ ဘယ်လိုသံသယမျိုး၊ အဖုအထစ်မျိုးမှ မရှိဘူးဆိုရင်တော့ အရမ်းကို ကောင်းမွန်ပြေပြစ်တဲ့ ဆက်ဆံရေးမျိုးပါပဲ။ ကိုယ်နဲ့ ထာဝရလက်တွဲမယ့် လက်တွဲဖော် တစ်ယောက်ဆိုရင် ပြီးပြည့်စုံပြီး နွေးထွေးတဲ့ ဆက်ဆံရေးမျိုးနဲ့ ပေါင်းသင်းမှုမျိုးတွေ လိုအပ်နေမှာပါ။ အကြောင်းတစ်ခုခုကြောင့် သင့်ချစ်သူက နားလည်မှုလွဲသွားချိန်မှာတော့ ခက်ခဲတဲ့ ဆက်ဆံရေးတစ်ခု ဖြစ်လာနိုင်ပါတယ်။ ယုံကြည်မှု အပြည့်အ၀ပေးထားတဲ့ သူတစ်ယောက်ဟာ သူမယုံကြည်ရတဲ့ အပြုအမူတစ်ခုကို သူ့ရှေ့မှာ ပြုမိလိုက်ပြီဆိုရင်တော့ သူ့ယုံကြည်မှုနဲ့အတူ နားလည်မှုတွေပါ ပျက်သုဉ်းသွားတတ်ပါတယ်။ ဒါကြောင့် တစ်ဦးရဲ့စိတ်ကို ကျန်တစ်ဦးကလည်း နားလည်ဖို့ အရေးကြီးပါတယ်။ သူစိမ်းသူတစ်ယောက်ရဲ့ စိတ်ထဲက ခံစားချက်တွေကို သင်က သိနိုင်ဖို့၊ ဖတ်နိုင်ဖို့ မလွယ်ပါဘူး။ ဒါပေမယ့် အနေနီးစပ်မှုကြောင့် ရလာတဲ့ သင့်ချစ်သူရဲ့ အကြိုက်နဲ့ စရိုက်ကိုတော့ သင်သိလာမှာပါ။ ဒါကြောင့် အချင်းချင်း အပြန်အလှန် နားလည်မှုရှိဖို့ ပွင့်ပွင့်လင်းလင်း ညှိနှိုင်းဖို့ လိုပါတယ်။

ဘယ်လိုညှိနှိုင်းမလဲ

နှစ်ယောက်တည်းတွေ့တဲ့ အချိန်မျိုးမှာ တစ်ယောက်အကြိုက်ကို တစ်ယောက်က သိအောင် ပြောနိုင်သလို၊ ပွင့်ပွင့်လင်းလင်းလည်း ရင်ဖွင့်ပြောဆိုဖို့ လိုပါတယ်။ ကိုယ့်ဘ၀တစ် သက်တာအတွက် ရည်ရွယ်ထားတဲ့ ချစ်သူအပေါ် ရှက်စရာ၊ ကြောက်စရာ မလိုပါဘူး။ ဘ၀မှာ ကြုံတွေ့ရတတ်တဲ့ အခက်အခဲတွေ၊ ပျော်ရွှင်မှုတွေ၊ ၀မ်းနည်းကြေကွဲမှုတွေနဲ့ ဘ၀အမောတွေဟာ သင်တစ်ယောက်တည်းမှာ ရှိတာမဟုတ်ပါဘူး။ လူတိုင်းမှာ ရှိနေတဲ့အရာပါ။ ဒါကြောင့် ဖြစ်သမျှ အကြောင်းအရာတွေကို ရင်ဖွင့်ပြောပြ ပေးရမှာပါ။ နှစ်ယောက်တည်း အေးအေးဆေးဆေး တွေ့ကြတဲ့ အချိန်မျိုး ဖြစ်ဖို့လည်း လိုပါတယ်။ မဟုတ်ဘဲ အလုပ်ပင်ပန်းနေတဲ့ အချိန်၊ စိတ်တိုပြီး ဒေါသဖြစ်နေချိန်မှာ သွားပြောမိရင် ပိုပြီး စိတ်ရှုပ်စရာတွေ ဖြစ်သွားနိုင်ပါတယ်။

ချစ်စိတ်တို့ပြောင်းလဲခြင်း၏အစ

သင်တို့နှစ်ဦးဟာ ဟိုးအရင်ကတည်းက ညှိနှိုင်းစရာမလိုအောင် အဆင်ပြေခဲ့ပြီးသား ဆိုရင်တော့ အကောင်းဆုံးပါပဲ။ ဒါပေမဲ့ သင့်ချစ်သူရဲ့ အချစ်တွေ သင့်အပေါ် တဖြည်းဖြည်း လျော့လာပြီလို့ ခံစားရချိန်မှာ သင့်ခံစားချက်တွေ မှန်၊ မမှန်ဆိုတာကို သိနိုင်ဖို့ အောက်ပါအချက်လေးတွေကို လေ့လာကြည့်ပါ။

- သင်ဘာပဲလုပ်လုပ် အမှားလို့ပဲ မှတ်ယူနေတယ်။ အပြစ်တွေ ပြောနေတယ်။ (သင့်ကိုယ်သင် မှားတယ်လို့မထင်)

- အတူနေတဲ့အချိန်တွေလည်း အရင်ကလောက် မကြာတော့ဘူး။ (ခရီးတွေ မထွက်ရရင်တောင်)

- စကားခဏများရင်တောင် သင့်ကိုပစ်ထားခဲ့တယ်။(အရင်ကမလုပ်ဖူးဘဲ)

- တစ်ယောက်တည်း နေချင်တယ်လို့ ခဏ၊ ခဏပြောတယ်။

- အလုပ်ပြန်ချိန်တွေက ပိုပြီး နောက်ကျနေတတ်တယ်။

- သူကိုယ်တိုင်ပြုလုပ်ပေးနေကျ ကိစ္စတွေကို လူလွှတ်ခိုင်းစေတယ်။

- အချိန်ပြည့် ဖုန်းပြောနေတတ်ပြီး၊ သူဘာတွေပြောလဲ သင်လည်း မသိရဘူး။

- သင် ဖုန်းကိုယူကြည့်မှာ သူက မကြိုက်ဘူး။

- အ၀င်အထွက်ဖုန်းတွေကို ဖျက်ပစ်လိုက်တယ်။

- အလုပ်ကိစ္စနဲ့ ခရီးထွက်ဖို့ကို စိတ်အားထက်သန်စွာနဲ့ ပြောနေတတ်တယ်။

- သူသုံးနေကျမဟုတ်တဲ့ ရေမွှေးနံ့မျိုး၊ အင်္ကျီမှာ နှုတ်ခမ်းနီပေနေတာမျိုး။

- သင့်လုပ်ငန်းခွင်ကို သူလာမကြိုချင်တော့ဘူး။ လာလည်း မလည်ပတ်တော့ဘူ။

- ခပ်ခွာခွာ လမ်းလျှောက်တယ်။ အရေးတယူ မရှိတော့ဘူး။

- သင့်ကိုတွေ့ရင် ပြုံးရုံသာ ပြုံးပြတတ်တယ်။ စကားတွေ ထွေထွေထူးထူး မပြောတော့ဘူး။

- အိမ်ကိုကမန်းကတန်း ပြန်လာပြီး၊ ရောက်ရောက်ချင်း ရေတန်းချိုးတယ်။

- သင်ပြောတာကို အာရုံစူးစိုက်မှု သိပ်မရှိတော့ဘူး။

- တစ်ခါတလေ လက်ထပ်လက်စွပ်ကို ချွတ်ထားတတ်တယ်။

- သူ့ Laptop နဲ့ ဖုန်းတွေမှာ Password ထားတတ်တယ်။

- မကြာခဏ အနမ်းတွေမပေးတော့ဘူး။

- သင်ကလွဲပြီး တခြားအိမ်သားတွေကိုသာ စကားပြောတတ်တယ်။

ဘယ်လိုဖြေရှင်းရမလဲ

အထက်မှာ ဖော်ပြခဲ့တဲ့ အကြောင်းအရာတွေထဲက အတော်များများကို သင့်ချစ်သူက ပြုမူနေပြီဆိုရင် -

- အရင်ဆုံး ကိုယ့်ကိုယ်ကိုယ် သုံးသပ်ပါ။ တစ်ခါတလေ သင်ရဲ့ သ၀န်တိုမှုနဲ့ သံသယတွေကြောင့် သင့်လက်တွဲဖော်က မောပန်းနေရတာမျိုး ရှိတတ်ပါတယ်။ ( ဥပမာ – ပွဲတက်သွားချိန် သင်က လူအများနဲ့ လိုက်လျောညီတွေ မရှိဘဲ ခပ်တည်တည် ရှိနေတတ်တာမျိုး)

- ပွင့်ပွင့်လင်းလင်း ပြောဆိုဖို့လိုပါတယ်။ ဒါပေမဲ့ သင်ကတော့ တိတိကျကျ သင်ခံစားနေရတာတွေကို ပြောပြပါ။ ဘယ်နေ့၊ ဘယ်အချိန်မှာ၊ ဘယ်လိုအပြုအမူမျိုးကို ဘာကြောင့် လုပ်တယ်ဆိုတာကို မေးပြီး သင်ဘယ်လို ခံစားနေရတယ် ဆိုတာကို အေးဆေးစွာ ပြောဆိုရင်ဖွင့်ပါ။ ရန်တွေ့ဖို့ မလိုပါဘူး။

- သင့်လက်တွဲဖော်ရဲ့ လိုအပ်ချက်တွေကို သိနေတယ်ဆိုရင်လည်း တချို့ သင့်မာနတွေကို ခဏလောက် လျှော့ချလိုက်ပြီး၊ ပြေလည်အောင်ညှိယူပါ။

- နောက်ဆုံး ဆက်စပ်လို့ မရရင်တောင် တစ်ယောက်တည်း ကြိတ်ခံစားနေတာမျိုး မဟုတ်ဘဲ အကောင်းဆုံး ဆွေးနွေးပေးနိုင်မယ့် သူနဲ့ တိုင်ပင်ပါ။ သင့်ခံစားချက်တွေနဲ့ ဖြစ်နေတဲ့ အခြေအနေတွေကို သေချာပြောဆို ရင်ဖွင့်ပါ။ သင့်ဘက်က စိတ်ဓာတ်သန်မာတဲ့ သူဖြစ်အောင် ပြင်ဆင်ထားပြီး အကောင်းဆုံး ဆွေးနွေးတိုင်ပင်ဖို့ လိုပါတယ်။

(လမင်းလေး)

8 Days Journal