နွေလည်မှာ နေပူနေတုန်း ဗြုန်း.. ဆို မိုးတွေရွာချတယ်... ချက်ချင်းတော့ အားလုံး ယောက်ယက်ခတ်သွားကြတယ်၊
တစ်ခုတော့ ရှိတယ်..... ဒီ မုတ်သုန်ရာသီမှာတော့ ပူလွန်းရင်လဲ မိုးတွေ ရွာတတ်တာပဲ... ဘာသဘောလဲတော့ မသိဘူးပေါ့.....
ရေခမ်းချင်နေတဲ့ ကန်ထဲမှာ အားယူပြီး ပွင့်မလို့ ကြိုးစားနေတဲ့ ကြာဖူးလေးပေါ်က ပုဇဉ်းလေးကတော့ မိုးမိသွားတယ်
သူလဲ ဘာလို့ လာနားနေမှန်း မသိဘူး ပွင့်သေးတာလဲ မဟုတ်ပဲနဲ့လေ. သေချာတာကတော့ နားစရာကောင်းလို့ နားတာလို့ ခပ်လွယ်လွယ်
တွေးခဲ့သင့်တာ..... မိုးခိုရင်း အရိပ်ထဲကနေ ကြည့်မိတော့လဲ လှနေသလိုလိုပါပဲ..... သူ့ခမျာတော့ ရေတွေရွှဲလို့ပေါ့.....။
မိုးရွာတော့ အေးသွားသလိုလိုနဲ့ မစို့မပို့လေး ရွာတော့လဲ စောစောက အပူရှိန်တွေက အငွေ့ပျံရော...... ပိုပြီးတော့...
အိုက်စပ်စပ် ဖြစ်လာတယ်... မိုးဆိုတာ ရွာတိုင်းမအေးတာတော့ တွေးခဲ့ဖူးပါတယ်.. ချက်ချင်းကတော့ မြေပြင်ကြီး အေးသွားတယ်.. အစို
ဓါတ်လေး ရောက်လာလို့...... ကြာပန်းလေးလဲ လန်းသွားတယ်..... မိုးစက်လေးတွေ နမ်းသွားလို့..... ရေကန်ကြီးလဲ မြင့်လာတယ်...မိုး
ရေလေးတွေ စီးဝင်လို့... ဘာသဘောနဲ့ပဲရွာရွာ မိုးကိုလိုအပ်တာတော့ အမှန်ပါပဲလေ.. အခု သိပ်ပူတယ် နွေလည်ခေါင်ကြီးဆိုတော့။
`` မိုးရွာတဲ့ ညတွေမှာ..... ကြောက်စိတ်တွေ ၀င်တတ်တယ် မောင်....... မီးမှိတ်ထားတုန်း မိုးရွာရင်လေ မိုးရေစက်
တွေ ခေါင်မိုးပေါ်ကိုကျသံက ခြောက်ခြားအောင် ကြောက်လန့် ခံစားရတယ်.... မေ့အတွက်ကတော့ ချစ်ခင်ရတဲ့ သူတွေရှိနေချိန်မှာ ရွာတဲ့
မိုးကိုပဲ သဘောကျတယ်.... တစ်ယောက်ထဲရှိနေတုန်းမှာ မိုးမရွာစေချင်ဘူး......´´
တစ်ခါက မိုးရွာတဲ့ ညမှာ မေ ပြောခဲ့တဲ့ စကားတွေကို ကြားယောင်နေမိတယ်... မေ့ ကိုကိုက မိုးရေထဲမှာကားမှောက်
ခဲ့တယ်တဲ့..... မိုးရေထဲမှာပဲ ပို့ဆောင်နှုတ်ဆက်ခဲ့ရတယ်တဲ့.... နောက်မိုးရေတွေထဲမှာပဲ..... ထားရစ်ခဲ့ရတယ်တဲ့..... မေ ခြောက်သွေ့
ရူးသွပ်စွာ အချိန်တွေကို ဖြတ်သန်းခဲ့တယ်တဲ့..... မိုးရေတွေထဲမှာလဲ ... တစ်ယောက်ထဲ ထိုင်နေခဲ့ဘူးတယ်တဲ့....... တစ်ခါတစ်လေမှာ...
မိုးရေတွေနဲ့ သူ့ကိုကိုရဲ့ သွေးတွေ ရောထွေးနေတာကို အိပ်မက်တွေလဲ မက်ခဲ့တယ်တဲ့...... သွေးကတခြား ရေကတခြားတဲ့.....။
ညကြီးမိုးချုပ်မှာ မိုးတွေ ရွာရင် အရမ်းမုန်းခဲ့တယ်တဲ့..... နောက်တော့ သူ့ကိုကိုနဲ့ အရမ်းတူတဲ့ ကျွန်တော်နဲ့ အလုပ်
ဆုံတွေ့ခဲ့တယ်....... ကျွန်တော့်ကို သူ ခဏခဏ ကြည့်နေမိတယ်တဲ့..... ကျွန်တော် အားရပါးရရယ်တတ်တာတွေကအစ တူတယ်တဲ့.....
တစ်ခါတစ်လေ မျက်မှောင်ကျုံ့ပြီး ကြည့်တတ်တာကတော့ သူ့ကိုကိုနဲ့ မတူဘူးတဲ့.... သူ့ကိုကိုက အေးချမ်းတဲ့ အပြုံးတွေကို ပိုင်တယ်တဲ့
ကျွန်တော်က ခက်ထန်တယ်လို့ ပြောဖူးတယ်.....။
ကျွန်တော် မိုးရေထဲကို ထွက်သွားရင်ပဲဖြစ်ဖြစ်..... မိုးရေထဲက ပြန်လာရင်ပဲ ဖြစ်ဖြစ် သူကြောက်လန့်တကြားကြည့်
နေခဲ့တယ်တဲ့....... သူ့ကိုကိုလဲ မိုးရေထဲမှာ ထွက်သွားတာ သူ့ရင်ခွင်ထဲကို ပြန်ရောက်မလာခဲ့လို့တဲ့.........။
ကျွန်တော်က မိုးရွာရင် ပျော်တယ်ဆိုတဲ့ အကြောင်း....... မိုးရေအေးအေးကို အ၀ချိုးပြီး အနွေးထည်ဝတ်.. နောက်
ကော်ဖီပူပူလေး သောက်ပြီး မိုးရေစက်တွေကို ကြည့်နေရတဲ့ အရသာကို သိပ်နှစ်သက်တယ်ဆိုတာ ပြောပြခဲ့ဖူးတယ်....
ကျွန်တော် မိုးစက်တွေကျနေတာကို အကြိမ်ပေါင်းများစွာကြည့်ဖူးတယ်.. မြေပြင်ပေါ်ကို..... သစ်ရွက်တွေပေါ်ကို
ရေအိုင်လေးတွေပေါ်ကို၊ ရေပြင်ကြီး ပေါ်ကို၊ အိမ်ခေါင်မိုးပေါ်ကို၊ ခြေဖမိုးပေါ်ကို၊ ထီးပေါ်ကို အားလုံးနီးပါးလေ...... အားလုံးနီးပါးကြည့်
ခဲ့တာ..... တစ်ခါတစ်လေ မိုးရေချိုးရင်းနဲ့.... မိုးပေါ်ကို လှန်ပြီးလဲ ကြည့်ဖူးတယ်......
မိုးပေါ်ကနေ တန်းပြီး ကျလာတဲ့ မိုးရေအမျှင်တန်းကြီးလို မြင်ရတယ်....... မျက်လုံးကို ထိရင်တော့ မှိတ်လိုက် ရ
တာပေါ့..... ဒါပေမဲ့ အမျှင်ကြီး ဖြစ်နေတာက မြန်လွန်းလို့လေ.. တကယ်တော့ တစ်စက်ထဲပါပဲ..... မိုးရွာတယ်ဆိုတာ မိုးစက်တွေ အများ
ကြီး ကျလာတာ အမျှင်တန်းကြီးတွေ ကျလာတာ မဟုတ်ဘူး.. ဘယ်မှာပဲရွာရွာ ကျွန်တော်ပျော်ပါတယ်၊ မိုးစက်တွေကြောင့်လေ...။
သူ့ရင်ထဲက မိုးစက်ပုံပြင်ထဲမှာ ရှိတဲ့ ဇာတ်လိုက်မင်းသားလေးရဲ့ နေရာကို ကျွန်တော့်ကို ကမ်းလှမ်းခဲ့တယ်.. ကျွန်
တော့်ကို မြင်နေရရင် သူအလွမ်းပြေတယ်တဲ့..... သူ့အနားမှာ နေပေးပါတဲ့......လေ။
သူ့ဇာတ်လမ်းလေးကို နားထောင်ပြီး ကတည်းက ကရုဏာဖြစ်သွားတာနဲ့ တူပါတယ်..... ကျွန်တော်သူ့အနားမှာ
နေဖြစ်ခဲ့တယ်.... သူ့ကိုကိုက သူ့ထက် ကြီးလို့ ကိုကိုလို့ ခေါ်တယ်တဲ့.... ဘယ်သူနဲ့မှလဲ မတူအောင်သူ ချစ်ခဲ့တယ်တဲ့..... ကျွန်တော်က
တော့ အသက်အရွယ်တူလို့.... မောင်လို့ ခေါ်မယ်တဲ့...... သူ ကိုကို့ကို ချစ်တဲ့ အကြောင်းကို ပြောပြထားတာက အမြင်ရှင်းအောင်လို့ပါ
တဲ့လေ.....
ကျွန်တော် သူ့အနားကို ကရုဏာစိတ်နဲ့ ရောက်ခဲ့တယ်...... တဖြည်းဖြည်းနဲ့ သံယောဇဉ်တွေလဲ ဖြစ်သွားတယ်
သတိတွေလဲ ရတတ်လာတယ်..... မေလို့ ပြန်ခေါ်တယ်..... သူလဲ ကျေနပ်စေချင်လို့..... နောက် ကျွန်တော်လဲ တစ်ကယ်ခေါ်ချင်လို့.....
မေက သူ့ရဲ့ ကိုကိုကို အဆက်မပြတ် သတိရတတ်တာကလွဲရင် ချစ်သူတစ်ယောက် ဖြစ်ဖို့ အားလုံးပြည့်စုံတယ်...... အရာအားလုံးပါပဲလေ
သူ့ကိုကိုကို တမ်းတခြင်းတေးသီ သီကျူးနေရင်တော့.... ကျွန်တော် စိတ်ထဲမှာ သိပ်ဘ၀င်မကျဘူးဗျ..... မရှိတော့တဲ့ သူမို့လို့သာ..ဘာမှ
မပြောဖြစ်ခဲ့တာပါ.....။
``တစ်ခါက မေ့ကို...... ကျွန်တော် မေးဖူးတယ်...`` ကိုကို ရှိနေခဲ့ရင် မောင့်ကိုရော ချစ်ဦးမှာလား...... ´´လို့....
သူ ဟက်ဟက် ပက်ပက် ရယ်ခဲ့တယ်... ပြီးတော့..... `` ဘယ်နည်းနဲ့မှ မဖြစ်နိုင်ဘူး.....´´တဲ့ ``ဒါကိုတော့ နားလည်ပေးရမယ်...´´ တဲ့
သူ့ကိုကို ပြန်ရှင်သန်မယ် ဆိုရင် သူကျွန်တော့်ကိုသာမကဘူး.. ဘာမဆို စွန့်လွှတ်နိုင်တယ်တဲ့....တက်ကြွပြီးခိုင်မာလွန်းတဲ့မျက်ဝန်းတွေနဲ့
ပြောနေတဲ့ သူ့ကို... ကြက်သီးတွေ ထ လောက်အောင် ကျွန်တော် ကြောက်မိတာတော့ အမှန်ပါပဲ..သူ့စိတ်ကို မြင်ခဲ့ရလို့လေ.....
တစ်နေ့မှာ သူ့အိမ်ကို အလည်ခေါ်တယ်.... ကျွန်တော်လဲ လိုက်သွားမိတယ်.... ထူးဆန်းတာက ကျွန်တော် သူ့ကို
ချစ်တယ်လို့ တစ်ခွန်းမှ မပြောခဲ့ဘူးတာပါပဲ...... ဒါပေမဲ့..... ကျွန်တော် မေ့ကို ချစ်နေမိပြီဆိုတာတော့.....
အိမ်ရှေ့ဧည့်ခန်းမှာ ရွှေတိဂုံ စေတီရင်ပြင်တော်ပေါ်မှာ မိုးရွာတုန်း နှစ်ယောက်အတူ လျှောက်နေကြတဲ့ ဘုရားဖူး
ချစ်သူ စုံတွဲပုံလေးတစ်ပုံ ချိတ်ထားတယ်.... ပြီးတော့ မေက ယူပြတယ်..... ဒါသူ့ရဲ့ ကိုကိုတဲ့...... မောင်နဲ့ မတူဘူးလားကြည့်တဲ့... ကျွန်
တော်လဲ တူပါတယ်လို့.... ပြောခဲ့ပါတယ်....... ကိုကိုက သူနဲ့ အလုပ်ချင်းမတူတဲ့ အကြောင်း၊ သိပ်ပြီးအေးချမ်းတဲ့ အကြောင်း... ပျော်ရွှင်
စွာ ပြောပြခဲ့တယ်..... သူတို့ လက်ထပ်ဖို့ အထိ ရည်ရွယ်ထားခဲ့ကြောင်းတွေ အထိပါပဲ.......
သူ့မျက်နှာကိုကြည့်..... သူ့စကားတွေ နားထောင်နေတုန်း မိုးကဗြုန်း... ဆို ရွာချလာတယ်..... မှောင်လုလုမှာ
ကျွန်တော်လဲ နှုတ်ဆက်ပြီး ပြန်ထွက်လာခဲ့တယ်... မိုးရေထဲမှာပါပဲ.... သူက မိုးတိတ်မှ သွားဖို့ အတန်တန် ပြောပေမဲ့... ကျွန်တော်မိုးရေ
ချိုးချင်လို့ပါလို့ ပြောရင်း ပြန်လာခဲ့တယ်..... မိုးရေတွေထိတော့လဲ အပူ သက်သာ သလိုပဲလေ..... ။
မေ...... ကျွန်တော့်ကို ပြခဲ့တဲ့ သူ့ကိုကိုနဲ့ တွဲလျှောက်နေတဲ့ပုံလေးကို ကျွန်တော် ကောင်းကောင်း မြင်ဘူးခဲ့တယ်
အကိုပို့ပေးခဲ့တဲ့ ပုံလေး ဖြစ်နေလို့ပေါ့........ ကျွန်တော့် အကိုက သူ့ကောင်မလေးကို အရမ်းချစ်ခဲ့တယ်ဆိုတာ ကျွန်တော်ရော...မေမေပါ
သိနေခဲ့ကြတယ်လေ..... အကို ဆုံးသွားတော့ မေမေလဲ ဒီစိတ်နဲ့ပဲ အပ်ယာထဲ လဲခဲ့ပြီး.... အပြီးတိုင် နှုတ်ဆက်သွားခဲ့တယ်... အခု......
ကျွန်တော် မိုးရေထဲမှာ လျှောက်ရင်း ရင်တွေ ပူလောင်နေတယ်.....။ မေမေ့ကိုရော.... အကို့ကိုရော လွမ်းလို့........။
ကျွန်တော် မိုးရေစက်တွေကို ကြည့်ရင်း ၀မ်းနည်းစွာ...... ကွယ်လွန်သွားရှာပြီ ဖြစ်တဲ့ အကို့ကိုသတိရမိလာတယ်
အကို ဆုံးတော့ ကျွန်တော် နိုင်ငံခြားမှာ ကျောင်းတက်နေတုန်းပေါ့..... ဖခင် မရှိတော့တဲ့ ကျွန်တော့်အတွက် အကိုရဲ့ မေတ္တာတွေ၊ စာနာမှု
တွေက မိုးရေစက်တွေလို ထာဝရ အေးမြစေခဲ့တယ်လေ.... မိုးရေစက်တွေနဲ့ အတူ အေးမြစေခဲ့တာပဲ..... မိုးရေစက်တွေလို များပြားတဲ့..
ကျေးဇူးတရားတွေကို သတိရလွမ်းဆွတ်မိလို့... မိုးရေထဲမှာပဲ.... မျက်ရည်တွေ ကျခဲ့မိတယ်.... တစ်ခါမှ မဖြစ်ခဲ့ဘူးတဲ့ ၀မ်းနည်းခြင်းတွေ
ကိုလဲ ခံစားခဲ့ရတယ်.... ကျွန်တော် ငိုနေတာကိုတော့....... ဘယ်သူမှ မမြင်ပါဘူး..... မိုးတွေ ရွာနေလို့လေ......။ နောက်တော့ ကျွန်တော်
ဆုံးဖြတ်ချက်တစ်ခု ချလိုက်မိတယ်..... အကို့ကျေးဇူးတရားတွေအတွက် ကျွန်တော်မေ့ကို ထားရစ်ခဲ့တော့မယ်လို့.... ကျွန်တော် ကြောက်
တယ်ဗျာ..... ကျေးဇူးကန်းတဲ့လူ အဖြစ်ကိုလေ......။
မေ့ကိုတော့ .. အားနာပါတယ်...... အခု သူ့ဘ၀မှာ မိုးရေထဲကို ထွက်သွားတဲ့ သူ နှစ်ယောက် ဖြစ်သွားခဲ့ပြီလေ.....
ကျွန်တော် သူ့ကိုကိုနဲ့ တူနေတာကလဲ ညီဖြစ်နေလို့ပေါ့.... ကျွန်တော် ဖြေတွေးလေး တွေး ဖြစ်တယ်...... မေ ကိုကို့ကို ချစ်နေတာရယ်၊
မမေ့နိုင်တာတွေရယ်က ကျေနပ်စရာ ဖြစ်နေသေးတယ်လို့..... တကယ်တော့ ကျွန်တော်က ကိုကိုနဲ့ တူလို့ သူ့အနား ရောက်နေခဲ့ရတဲ့သူ
ချစ်လို့ ရောက်နေခဲ့တာ မဟုတ်လို့ တော်သေးတယ်လို့...... တွေးချင်ရာ တွေးပေမဲ့ စိတ်ထဲမှာတော့ ကိုကို့ကို တောင်းပန်နေမိတယ်......
`` ညီညီ တကယ် မသိခဲ့တာပါ ကိုကို..... ခွင့်လွှတ်ပေးပါနော်..... ညီညီ မိုးရေစက်တွေကို သက်သေတိုင်တည်
ပါတယ်...... ညီညီ တစ်ကယ် မသိခဲ့တာပါ......´´လို့......။
ကျွန်တော် မေ့အတွက် ဆန္ဒလေးတစ်ခု ပြုမိတယ်..။ ဖြစ်နိုင်ရင် မေ......မိုးတွေမရွာတဲ့ အရပ်မှာ ရှိနေပါစေ... ဒါမှ
မဟုတ်ရင်လဲ.... မေ..... ရှိတဲ့ အရပ်မှာ မိုးတွေ မရွာပါစေနဲ့လို့........ သိပ်ရက်စက်တဲ့ ဆန္ဒပဲနော်...... မိုးမရွာတဲ့ အရပ်ဆိုရင် နွေပေါ့.....
ပူလောင်နေမှာပေါ့...... ဒီပူလောင်မှုကတောင် အေးချင်အေးနေဦးမယ်..... မိုးရွာရင် ဖြစ်လာမဲ့...... မေ့ရဲ့ သောကတွေက ဒီထက်ပူပြင်း
လွန်းတယ် ဆိုတာ ကျွန်တော်ကိုယ်တိုင်ပဲ သိပါတယ်.......
တကယ်တော့ မိုးစက်လေးတွေထဲမှာ မဆုံးနိုင်တဲ့ ပုံပြင်လေးတွေ ရှိနေခဲ့တယ်၊ ဟင်း...ကျွန်တော်အခုမှ သတိရ
မိတယ်....... တကယ်ဆို ကျွန်တော် မိုးတွေ ရွာနေတုန်း မေ့အနားက ထွက်မလာသင့်ဘူးဆိုတာလေ.... အခုတော့...... မိုးရေစက်တွေ
ကတော့ အဆက်မပြတ်..... ရွာချနေဆဲပဲ...... မေ့အနားက ထွက်လာခဲ့တုန်းက ကျွန်တော် နှုတ်ဆက်ဖြစ်ခဲ့သလား....ဆိုတာကတော့...
ကျွန်တော် စဉ်းစားလို့ မရတော့ဘူး..... ဘာကြောင့်လဲ ဆိုတော့.... ရင်ထဲမှာ မိုးတွေရွာ နေလို့ပါ မေ.... မောင်လေ ဒီ မိုးစက်လေးတွေကို
ကြည့်နေမိလို့ပါ......။
Post a Comment